ყავის სახლების ამერიკული ქსელი "სტარბაქსი", მომავალი ხუთი წლის განმავლობაში, 75 ქვეყანაში 10 ათას ლტოლვილს დაასაქმებს. აღნიშნული გადაწყვეტილება კომპანიის ხელმძღვანელმა მას შემდეგ მიიღო, რაც შეერთებული შტატების ახალმა პრეზიდენტმა ტერორიზმის პრევენციის მოტივით, ამერიკაში ოთხი თვით აკრძალა ლტოლვილების მიღება გარკვეული ქვეყნებიდან.

გარდა ამისა,"სტარბაქსის" ხელმძღვანელი თავის თანამშრომლებს ჯანდაცვის დაზღვევის აღდგენასაც ჰპირდება თუ ტრამპი მისი წინამორბედის, ბარაქ ობამას მიერ დაწყებულ საყოველთაო ჯანდაცვის პროგრამას გააუქმებს.