უნდა გაიყიდოს თუ არა უცხოეთის მოქალაქეებზე და მოქალაქეობის არმქონე პირებზე სასოფლო-სამეურნეო დანიშნულების მიწა? - თემა მას შემდეგ გააქტიურდა, რაც პარლამენტმა კონსტიტუციაში შესატან ცვლილებებზე დაიწყო მუშაობა.
პოლიტიკური პარტიების ნაწილი მიწის უცხოელებზე გაყიდვასთან დაკავშირებით კონსტიტუციაში ჩანაწერის გაკეთებას ითხოვს. ჯერჯერობით უცნობია მმართველი პარტიის პოზიცია, უმრავლესობაში საკითხთან დაკავშირებით განსხვავებული მოსაზრებები აქვთ. მიწის უცხოელებზე ყიდვა-გაყიდვასთან დაკავშირებით რადიკალურად განსხვავებულია საზოგადოების დამოკიდებულებაც.
რატომ ხდება უამრავი სამართლებლივი დავის მიზეზი მიწის საკითხი, რამდენად დახვეწილია დღევანდელი კანონმდებლობა და როგორია ამ მიმართულებით საუკეთესო საერთაშორისო გამოცდილება?
სტუმარი: გელა ღლიღვაშვილი - მეცნიერებათა აკადემიის მიწის ფონდის მართვის კომისიის წარმომადგენელი, პროფესორი.