ირანის მიერ ბალისტიკური რაკეტების გამოცდის გამო, გაეროს უშიშროების საბჭო საგანგებო სხდომას გამართავს.

აღნიშნულის შესახებ გაეროს უშიშროების საბჭოს თავმჯდომარე ქვეყნის შვედეთის წარმომადგენლობამ განაცხადა.

გავრცელებული ინფორმაციით, აღნიშნული მოთხოვნა აშშ-მა გააკეთა.

30 იანვარს ტელეარხმა “ფოქს ნიუსმა”, პენტაგონის წყაროზე დაყრდნობით, ინფორმაცია გაავრცელა, რომ თეირანიდან 225 კილომეტრის დაშორებით მდებარე პოლიგონზე ირანმა ბალისტიკური რაკეტის გამოცდა ჩაატარა.

2015 წლის 20 ივლისის გაეროს უშიშროების საბჭოს რეზოლუცია ირანს მოუწოდებს, არ ჩაატაროს მსგავსი ცდები.