ოლიმპიური კომიტეტის პრეზიდენტობის კანდიდატი ირაკლი მეძმარიაშვილი 23 დეკემბერს გამართული სეოკის არჩევნების შედეგების გაბათილებას და ხელახალი არჩევნების დანიშვნას ითხოვს.

მეძმარიაშვილმა, საქალაქო სასამართლოში შეტანილ სარჩელთან დაკავშირებით, დღეს სპეციალური პრესკონფერენცია გამართა.

პრეზიდენტობის კანდიდატმა გუნდის წევრებთან ერთად ჟურნალისტებს ინფორმაცია მიაწოდა სასამართლო სარჩელთან დაკავშირებით და იმ ხარვეზების თაობაზე, რომელიც 2016 წლის 23 დეკემბერს გამართულ არჩევნების პროცესში აღმოაჩინეს.

სასამართლოს მიერ მიღებული შუალედური გადაწყვეტილება საქართველოს ოლიმპიურმა კომიტეტმა გაასაჩივრა.