კომპანია "ეფლი" სმარტფონების გაყიდვის მოცულობით ისევ მსოფლიო ლიდერია. კომპანიამ ლიდერობა ხუთი წლის წინ "სამსუნგს" დაუთმო და როგორც ახალი ფინანსური წლის პირველი კვარტლის შედეგები აჩვენებს, კომპანიამ პირველობა ისევ დაიბრუნა.

საანგარიშო პერიოდში, რომელიც გასული წლის 31 დეკემბერს დასრულდა, "ეფლმა" 78.29 მილიონი "აიფონი" გაყიდა, რაც დაახლოებით 3.5 მილიონით მეტია გასულ წელთან შედარებით.

კომპანიამ 18 მილიარდი დოლარის მოგება მიიღო, რაც ბევრად აღემატება ბირჟის ანალიტიკოსების მოლოდინს.

შესაბამისად, "ეფლის" აქციების ფასი 3 პროცენტით გაიზარდა. ანალიტიკოსები ვარაუდობენ, რომ "ეფლის' წარმატებას ხელი შეუწყო "გალაქსის" ბოლო ვერსიაში, ელემენტის აფეთქების სკანდალმა.