დელავერის შტატის ერთ-ერთ სასჯელაღსრულების დაწესებულებაში პატიმრებმა ხუთი ზედამხედველი მძევლად აიყვანეს. მოგვიანებით კი ერთი მათგანი, რომელსაც მსუბუქი ხასიათის ჭრილობა ჰქონდა მიღებული, გაათავისუფლეს.

გავრცელებული ინფორმაციით, ამბოხის მიზეზი პრეზიდენტ დონალდ ტრამპის პოლიტიკაა. ამის შესახებ ერთ-ერთმა პატიმარმა ადგილობრივ გაზეთთან დაკავშირებისას განაცხადა. მსჯავრდებულები ციხეში მყოფი პირების რეაბილიტაციას და საგანმანათლებლო პროგრამებს მოითხოვენ. ამ დროისთვის პატიმრებთან მოლაპარაკებას სამართალდამცველები აწარმოებენ.