აზიის განვითარების ბანკის წარმომადგენლები გუდაურში იმყოფებოდნენ. დელეგაციამ გუდაურში წყალმომარაგების სისტემის პირველი ეტაპის შესრულებული სამუშაოები დაათვალიერა.

აზიის განვითარების ბანკის მისიას, სამუშაოების შესახებ ინფორმაცია, გაერთიანებული წყალმომარაგების კომპანიის დირექტორმა გიორგი კობერიძემ მიაწოდა.

ბანკმა გუდაურში წყალმომარაგების სისტემების მშენებლობის შემდეგი ეტაპით გათვალისწინებული სამუშაოებისათვის 67 მილიონ ლარამდე ფინანსური რესურსი გამოყო, რომლის დასრულების შედეგად, წლის ბოლოს გუდაური 24-საათიანი წყალმომარაგებით იქნება უზრუნველყოფილი.

სტუმრები საქართველოში ურბანული მომსახურებების გაუმჯობესების საინვესტიციო პროგრამის ფარგლებში ჩამოვიდნენ.