მორიგი უბედური შემთხვევა აჭარაში - დიდთოვლობის გამო, ხელვაჩაურში, სოფელ განთიადში დღეს, დილის საათებში სახლი დაინგრა.

როგორც საზოგადოებრივის კორესპონდენტი ადგილიდან იტყობინება, სახლში 5 ადამიანი იმყოფებოდა.

მომხდარის შედეგად, 60-წლამდე ასაკის მამაკაცი გარდაიცვალა. ასევე, დაშავებულია 3 ადამიანი.

ამ დროისთვის, მაშველები ნანგრევებში 19-20 წლის ასაკის ახალგაზრდა მამაკაცს ეძებენ.

უბედური შემთხვევა ხელვაჩაურის მუნიციპალიტეტის სოფელ ზედა ფერიაში გუშინაც მოხდა - ქართველიშვილების ოჯახის საცხოვრებელი სახლის ნგრევის შედეგად, 44 წლის მამაკაცი გარდაიცვალა.