კომპანია "გუგლის" მფლობელი ამერიკული ტექნოლოგიური გიგანტი "ალფაბეტი" მსოფლიოში ყველაზე ძვირადღირებული კომპანია გახდა. ჯერ კიდევ გუშინ ამ ტიტულს კომპანია "ეფლი" ფლობდა, თუმცა, გუშინდელ ვაჭრობაზე "გუგლის" აქციების 3-პროცენტიანმა ზრდამ კომპანიის კაპიტალიზაცია 547 მილიარდ დოლარამდე გაზარდა, ხოლო "ეფლის" კაპიტალიზაციამ ბევრად ნაკლები 529 მილიარდი დოლარი შეადგინა.

მართალია, შემოსავლების და მოგების კუთხით "ეფლი" "გუგლს" თითქმის სამჯერ აჭარბებს, თუმცა, აქციების ფასის მიხედვით, რაც კომპანიის კაპიტალიზაციას განსაზღვრავს, ინევსტორებს "გუგლის" პერსპექტივის უფრო სჯერათ.