სახელმწიფო უწყებებისთვის მობილური სატელეფონო მომსახურების შესასყიდად ჩაშლილი ტენდერი ხელმეორედ გამოცხადდება.
თარიღთან დაკავშირებით გადაწყვეტილებას სამთავრობო კომისია მიიღებს. წინა ტენდერში ერთადერთი მონაწილე „ბილაინი“ მოთხოვნილ პირობებს ვერ აკმაყოფილებდა და სამთავრობო ტენდერში ვერ გაიმარჯვა.
კომუნიკაციების კომისიის ცნობით, "ბილაინმა" პირობები ვერ დააკმაყოფილა, რადგან რამდენიმე ქალაქში მესამე თაობის ინტერნეტი არ აქვს. "ბილაინი" გადაწყვეტილებას არ ეთანხმება და საკუთარი პოზიციის დაცვას სამართლებრივი გზით გეგმავს.
კომპანია აცხადებს, რომ მათ მესამე თაობის ინტერნეტზე ლიცენზია დეკემბერში შეიძინეს და მომსახურების გაწევაც შეუძლიათ.
საპასუხოდ კომიასია ამბობს, რომ პირველი თებერვლის მონაცემებით, დრაივ-ტესტის საფუძველზე დადგინდა, რომ შპს „მობიტელის“ ქსელი რამდენიმე ცენტრალურ ქალაქში არ ფუნქციონირებს.