დღევანდელმა მოვლენებმა კიდევ ერთხელ ცხადყო, თუ როგორ არიან ჩაგრულები და მარგინალიზირებულები პოლიტიკური და ფინანსური ელიტების მიერ ჩვენი საზოგადოების ყველაზე ღირსეული წარმომადგენლები - მშრომელები.
იმის ნაცვლად, რომ სახელმწიფოს აეღო პასუხისმგებლობა და დაეცვა მოქალაქეები საქართველოს ბანკის უკანონობისგან, მათ სხვაგვარი გამოსავალი იპოვეს, მშრომელებისა და სტუდენტების სამართლიან და პროგრესულ მოთხოვნებს ფიზიკურად დაუპირისპირეს პოლიცია.
გვქონდა ილუზია, რომ ადამიანების დარბევა, ცემა, 2012 წელს წარსულს ჩავაბარეთ, თუმცა დღევანდელმა დღემ გამოაჩინა, თუ რაზეა წამსვლელი სახელმწიფო, ბანკების ინტერესების დასაცავად.
ჩვენ დღეს ვნახეთ, თუ როგორ ურტყამდნენ სამსახურიდან დათხოვნილ, ლუკმა-პურის გარეშე დარჩენილ ადამიანებს, რომლებსაც საბანკო ვალდებულებების გარდა სხვა არაფერი დარჩათ.
პოლიტიკური და ფინანსური ელიტები ფიქრობენ, რომ ამ ადამიანებს შეუძლიათ ისე მოექცნენ როგორც მათ გაუხარდებათ.
ამ ყველაფრიდან გამომდინარე, ძალიან დიდი მნიშვნელობა აქვს ჩვენს სოლიდარობას. უნდა დავანახოთ ყველას, რომ ეს ადამიანები არ არიან მარტო.
ხვალ, 2 საათზე, რუსთავში.