სამართალწარმოების განხორციელებაზე ზეგავლენის მიზნით მოსამართლეების საქმიანობაში უხეში ჩარევის შესაძლო ფაქტზე პროკურატურა გამოძიებას სისხლის სამართლის კოდექსის 364-ე მუხლის მე-2 ნაწილით აწარმოებს.
საუბარია უზენაესი სასამართლოს მიმართვის საფუძველზე დაწყებულ საგამოძიებო მოქმედებაზე.
პროკურატურისა და იუსტიციის უმაღლესი საბჭოს მდივნის ინფრომაციით, მოსამართლეებს პაატა ქათამაძეს და ბესარიონ ალავიძეს წერილობითი მიმართვები, ასევე უცხოური მობილური ტელეფონის ნომრიდან სმს შეტყობინებები მიუვიდათ,
გამგზავნად ყოფილი ხელისუფლების ყოფილი მაღალჩინოსანი სახელდება თუმცა კონკრეტულად ვინ - ამ ეტაპზე არ ხმაურდება.
ტელეკომპანია "რუსთავი 2-ის" გენერალური დირექტორისა და ოპოზიციური პარტიების წარმომადგენლების ინფორმაციით, შესაძლო ზეწოლა "რუსთავი 2-ის" საქმეს უკავშირდება.