თებერვალი 3, 2017
326
პარიზში დანით შეიარაღებული პირი ლუვრის მუზეუმში შეჭრას შეეცადა და დაცვის წევრს თავს დაესხა.
მუზეუმის დაცვის სამსახურმა თავდამსხმელს ცეცხლი გაუხსნა. მას ხუთი ჭრილობა აქვს მიყენებული. ფრანგული მედიის ცნობით, თავდამსხმელს თან ჩანთა ჰქონდა.
ამ დროისთვის ლუვრის მიმდებარე ტერიტორია სამართალდამცველებს აქვთ გადაკეტილი. დროებით დაიხურა პალე-როიალ ლუვრის მეტროს სადგურიც.
პარიზის პოლიციის უფროსის განცხადებით, ლუვრის მუზეუმის მიმდებარე ტერიტორიაზე ჯარისკაცზე თავდამსხმელი „ალაჰ აქბარს’’ ყვიროდა.
საფრანგეთის შსს-ს ინფორმაციით, განაღმვითი სამსახურის წარმომადგენლებმა თავდამსხმელის ჩანთაში ასაფეთქებელი მოწყობილობა ვერ აღმოაჩინეს.
მაჩვენე მეტი