წიგნის გამომცემელთა და გამავრცელებელთა ასოციაცია და ქართველი გამომცემლები საქართველოს მთავრობას ფრანკფურტის 2018 წლის წიგნის ბაზრობაზე წარსადგენი კონცეფციის კონკურსის გაჭიანურებაში ადანაშაულებენ, ამის შესახებ ასოციაციის ხელმძღვანელმა გვანცა ჯობავამ დღეს გამართულ პრესკონფერენციაზე განაცხადა.
2018 წელს საქართველო გერმანიის ფრანკფურტის წიგნის ბაზრობაზე საპატიო წევრი ქვეყანაა.
როგორც ჯობავა ამბობს, ქართველ გამომცემლებს შეკითხვები და პრეტენზიები აქვთ საქართველოს მთავრობასთან, ვინაიდან ფრანკფურტის წიგნის საერთაშორისო ბაზრობაზე წარსადგენი კონცეფციის კონკურსი უვადოდ გადაიდო და ამ დრომდე არ არის ცნობილი, რა კონცეფციითა და სლოგანით უნდა წარსდგეს ქვეყანა.
წიგნის გამომცემელი და გამავრცელებელი ასოციაციის ხელმძღვანელის მტკიცებით, 25 იანვარს წიგნის ბაზრობაზე წარსადგენი კონცეფციის კონკურსის შედეგები უკვე ცნობილი უნდა ყოფილიყო. მისი თქმით, მთავრობა აქტიურად უნდა მუშაობდეს კულტურულ პროგრამაზე, რომელსაც ფრანკფურტის 2018 წლის წიგნის ბაზრობაზე წარადგენენ, თუმცა ამ დრომდე არც ეს პროგრამააა ცნობილი.
ცნობილი ხდება, რომ კულტურისა და ძეგლთა დაცვის მინისტრი გამომცემლებთან და ქართვე ავტორებთან 17:00 საათზე ამ საკითხზე შეხვედრას გამართავს და ამის შემდეგ გააკეთებს ოფიციალურ კომენტარს.