იანვარში, წინა წლის იანვართან შედარებით, ღვინის ექსპორტი 184 პროცენტით გაიზარდა. ღვინის ეროვნული სააგენტოს მონაცემებით, 26 ქვეყანაში 4 მილიონ ბოთლზე მეტი ღვინო გავიდა.

ექსპორტიორი ქვეყნების ხუთეული ასე გამოიყურება - რუსეთი, ექსპორტირებულია 2 მილიონ 8 ათასი ბოთლი, უკრაინა – 403 ათასი, ჩინეთი – 372 ათასი, პოლონეთი – 156 ათასი და ყაზახეთი 106 ათასი ბოთლი ღვინო.

მთლიანობაში, იანვარში ღვინის, ბრენდის, ჭაჭისა და სპირტის ექსპორტის შედეგად მიღებულმა შემოსავლებმა 22 მილიონ დოლარს მიაღწია, რაც 229 პროცენტით აღემატება 2016 წლის იანვრის მაჩვენებელს.