საზოგადოებრივ მაუწყებელში გადაცემების შესაძლო დახურვაზე განცხადებას ავრცელებს "კოალიცია მედია ადვოკატირებისთვის" .

არასამთავრობო ორგანიზაციების გაერთიანების ინფორმაციით, საზოგადოებრივი მაუწყებლის მენჯმენტმა მიიღო გადაწყვეტილება გადაცემა „რეალური სივრცის“ დახურვის შესახებ, ასევე, კოალიციის ცნობით, საუბარია სხვადასხვა გადაცემების დახურვაზეც, რასაც კოალიცია ეწინააღმდეგება.

„რეალური სივრცის“ ავტორი და წამყვანი ნინო ზაუტაშვილი ამბობს, რომ მას არ აქვს კონკრეტული ინფორმაცია, დაიხურება თუ არა „რეალური სივრცე“,

ზაუტაშვილი მენეჯმენტის ოფიციალურ გადაწყვეტილებას ელოდება. მაუწყებლის ხელმძღვანელობას საკითხზე დღეს განცხადება არ გაუკეთებია. არხზე დაგეგმილ ცვლილებებს და მაუწყებლის განვითარების ხედვას ახალი გენერალური დირექტორი ორშაბათს 12:00-ზე წარადგენს.