შეერთებული შტატები კუბასთან ურთიერთობას გადახედავს. თეთრი სახლის პრესმდივნის განმარტებით, ახლა განსაკუთრებული აქცენტი კუბაში ადამიანის უფლებების კუთხით არსებულ პოლიტიკაზე გაკეთდება.

ორ ქვეყანას შორის ურთიერთობები ათწლეულებია რთულად მიმდინარეობდა, ჰავანასთან ურთიერთობის განტვირთვა ობამას ადმინისტრაციმ 2 წლის წინ დაიწყო. 2015 წელს ობამამ კუბაზე დაკისრებული სავაჭრო ემბარგო შეასუსტა, მალევე ორი ქვეყანის დედაქალაქებში საელჩოები აღდგა.

უკანასკნელი 88 წლის განმავლობაში ობამა პირველი ამერიკელი პრეზიდენტი გახდა, რომელიც კუბაში ვიზიტით იმყოფებოდა, ისტორიული ვიზიტი გასულ წელს შედგა.