ცოტახნის წინ დასრულდა „ბავშვთა სამყაროს“ მიმდებარე ტერიტორიაზე მოვაჭრეთა აქცია სოლოლაკში.
საკუთარი მოთხოვნები მათ ყოფილი პრემიერის ბიზნესცენტრთანაც გააჟღერეს. ისინი კომპენსაციების მიღებას, სესხების გადავადებას და ალტერნატიული ფართებით დაკმაყოფილებას ითხოვენ.
ექს.პერმიერის სახლთან მოვაჭრეებმა მთავრობის ადმინისტრაციიდან გადაინაცვლეს. კანცელარისთან შეკრებილები, რომლებიც “ბავშვთა სამყაროს” უკან მდებარე ბაზრობაზე მუშაობდნენ, ამბობენ, რომ საქონელი მთლიანად გაუნადგურდათ და ზარალი ათი ათასობით ლარია.
მათივე განცხადებით, უშედეგო აღმოჩნდა შეხვედრა მერის მოადგილესთან. აქციას ადვოკატთა ასოციაციის თავმჯდომარე შეუერთდა. ზაზა ხატიაშვილის თქმით, თუ დაზარალებულთა მოთხოვნები 10 დღეში არ დაკმაყოფლდება, პროტესტი პერმანენტულ სახეს მიიღებს.