საქართველოსთვის ვიზალიბერალიზაციის რეჟიმის დამტკიცებას გამოეხმაურა ოკუპირებული სამხრეთ ოსეთის ე.წ. საგარეო საქმეთა სამინისტრო.
გავრცელებულ დოკუმენტში ნათქვამია, რომ ევროპარლამენტის გადაწყვეტილებამ, საქართველოსთვის უვიზო მიმოსვლის რეჟიმის დამტკიცების თაობაზე, ეიფორია გამოიწვია საქართველოს ხელმძღვანელობაში, რომელმაც აღნიშნულით სარგებლობა ოკუპირებული აფხაზეთისა და ცხინვალის რეგიონში მცხოვრებ მოსახლეობას შესთავაზა.
უწყება ხაზს უსვამს, რომ ევროკავშირსა და საქართველოს შორის ურთიერთობების განვითარება, მათ შორის სავიზო და უვიზო ურთიერთობები მხოლოდ საქართველოს მოქალაქეებს ეხება და არ ვრცელდება თვითგამოცხადებული სამხრეთ ოსეთის რესპუბლიკის მოქალაქეებზე, - ნათქვამია ოკუპირებული სამხრეთ ოსეთის ე.წ. საგარეო საქმეთა სამინისტროს განცხადებაში.