„რუსთავის აზოტთან“ სამსახურიდან გათავისუფლებული მუშებისა და პროფკავშირების წარმომადგენლების საპროტესტო აქცია გრძელდება.
სამსახურიდან გათავისუფლებული მუშების მოთხოვნა იგივე რჩება - ისინი საწარმოში დაბრუნებას მოითხოვენ და აქციების შეწყვეტას არ აპირებენ.
დღევანდელი აქციის მონაწილეების თქმით, ისინი ემიჯნებიან ყველა პოლიტიკურ პარტიას და არ სურთ, რომ მუშების მშვიდობიანი პროტესტი ვინმემ საკუთარი პოლიტიკური მიზნებისათვის გამოიყენოს.
უკვე 10 დღეა სს „რუსთავის აზოტიდან“ გათავისუფლებული მუშები სამსახურში დაბრუნების მოთხოვნით, პროფკავშირებთან და სტუდენტურ არასამთავრობო ორგანიზაციებთან ერთად საპროტესტო აქციებს მართავენ. მათი მთავარი მოთხოვნა სამსახურში აღდგენა, არსებული შრომითი ხელშეკრულებების გაუქმება და პროფკავშირებთან ერთად, ახალი შრომითი ხელშეკრულების შედგენაა.