2016 წელს საქართველოში ბენზინისა და დიზელის იმპორტი 19 პროცენტით გაიზარდა. გასულ წელს სულ ქვეყანაში მილიონ 230 ათასი ტონა ბენზინისა და დიზელის იმპორტი განხორციელდა. მნიშვნელოვნად, 30%-ით გაიზარდა ბენზინის იმპორტი, მაშინ, როცა დიზელის საწვავის იმპორტი ერთ წელში მხოლოდ 10%-ით არის მომატებული. ქვეყნების მიხედვით, იმპორტის მესამედი რუმინეთზე მოდის, შემდეგ მოდიან: აზერბაიჯანი, რუსეთი, ბულგარეთი და თურქმენეთი.

აღსანიშანვია, რომ აქციზის ზრდამდე კომპანიებმა მარაგები გაზარდეს, რაზეც დეკემბრის სტატისტიკაც მეტყველებს. წლის ბოლო თვეს 80%-ით გაიზარდა ნავთობისა და ნავთობპროდუქტების იმპორტი, რამაც 89,3 მლნ დოლარი შეადგინა.