საქალაქო სასამართლოს ყოფილი თავმჯდომარე მამუკა ახვლედიანი საქალაქო სასამართლოში შესატან სარჩელს ამზადებს.
მისი თქმით, მოქმედი ხელისუფლების დეპუტატებმა და იუსტიციის მინისტრმა მისი პატივისა და ღირსების შემლახველი ინფორმაცია გაავრცელეს და თითოეული მათგანისგან ის 100 ათასი ლარის მოთხოვნას გეგმავს.
ახვლედიანი აპირებს უჩივლოს თეა წულუკიანს, ეკა ბესელიას, მამუკა მდინარაძეს და არჩილ თალაკვაძეს. ის არ გამორიცხავს, რომ კომპენსაციის თანხა და დეპუტატების სია კიდევ შეიცვლება.
საქმე ეხება ინფორმაციას იმის შესახებ, რომ ყოფილი თავმჯდომარე რამდენიმე მილიონ დოლარად შეფასებულ მიწას ფლობს, მასზე განლაგებული სკოლით, ასევე ჩართულია ოფშორული კომპანიის ბიზნესში.
ყოფილი თავმჯდომარე ამბობს, რომ მისი ბიზნესსაქმიანობა ლეგალურია და შებამის მტკიცებულებებს კომერციული ბანკიდან ის სასამართლოში წარადგენს.