დევისის თასზე გამარჯვების შემდეგ, საქართველოს ნომერ პირველმა ჩოგბურთელმა, ნიკოლოზ ბასილაშვილმა, სოფიაში მიმდინარე საერთაშორისო ტურნირზე, წარმატებული სტარტი აიღო.

ბასილაშვილმა პირველ წრეში, დღეს, მსოფლიოს 56-ე ნომერი ფრანგი ადრიან მანარინო დაამარცხა.

აღსანიშნავია, რომ ქართველი ჩოგბუთელი პირველ სეტში ტაიბრეიკზე 1-4-ს აგებდა, თუმცა შეძლო მობილიზება და სეტი თავის სასარგებლოდ დაასრულა. ნიკამ მეორე სეტი წარუმატებლად დაიწყო და 1-4-ს აგებდა, მაგრამ საქმე ტაიბრეიკამდე მაინც მიიყვანა და საბოლოო გამარჯვებასაც მიაღწია. ბასილაშვილის მომდევნო მეტოქე მერვედფინალში ავსტრიელი დომენიკ ტიმი იქნება, რომელიც ტურნირზე პირველ ნომრად არის განთესილი.