ქობულეთში სასმელმა წყალმა ფერი და გემო შეიცვალა და მას სპეციფიკური სუნი აქვს - ამის შესახებ ადგილობრივები აცხადებენ. მათი თქმით, ათი დღეა წყალს სასმელად ვერ იყენებენ და მისი შეძენა მაღაზიებში უწევთ. მათივე თქმით, წყალში მომატებულია ქლორის შემცველობა.

„ნაციონალური მოძრაობა“ ლაბორატორიული კვლევის ჩატარებას ითხოვს. ისინი ადგილობრივ ხელისუფლებას უმოქმედობაში ადანაშაულებენ და ამბობენ, რომ არასწორად მოხდა წყლის რეზერვუარების გაწმენდა.

ქობულეთის წყალკანალში ადასტურებენ, რომ სასმელ წყალში ქლორის მომატებული დოზის გაშვება შემთხვევით მოხდა, რამაც გამოიწვია სუნის და გემოს ცვლილება. მათივე თქმით, პრობლემა მოგვარებულია და მოსახლეობას საფრთხე არ ემუქრება.