ტერორისტულმა დაჯგუფებამ ე.წ. ისლამურმა სახელმწიფომ, ისრაელის საკურორტო ქალაქ ეილათისკენ გაშვებულ რაკეტებზე პასუხისმგებლობა აიღო. ინფორმაციას გამოცემა „იერუსალემ პოსტი“ ავრცელებს. გამოცემის ცნობით, ე.წ. ისლამური სახელმწიფოს ერთ-ერთმა დაჯგუფებამ ეგვიპტის ტერიტორიიდან ისრაელისკენ ექვსი რაკეტა გაუშვა. ისრაელის თავდაცვითი ძალების პრესსამსახურმა განაცხადა, რომ ისრაელის რაკეტსაწინააღმდეგო სისტემის მეშვეობით მოხდა რამდენიმე რაკეტის განადგურება. ინფორმაცია მსხვერპლზე ან დაშავებულებზე არ გავრცელებულა.

ისრაელის სამხრეთ ნაწილში მდებარე საკურორტო ქალაქი ეილათი, არაერთხელ გამხდარა სარაკეტო დარტყმების ობიექტი სინაის ნახევარკუნძულიდან, სადაც „ისლამური სახელმწიფოს“’ დაჯგუფების ერთ-ერთი ფრთა მოქმედებს.