თებერვალი 9, 2017
479
სენაკის რაიონის სოფელ ხორშის მოსახლეობა დახმარებას ითხოვს.
ბოლო ერთი თვის განმავლობაში, ადგილობრივებს მგლებმა 50-ზე მეტი მსხვილფეხა პირუტყვი დაუგლიჯა.
ასევე, ზიანი მიადგა მეთხევეობის ფერმერულ მეურნეობას, სადაც კოოპერატივი „ციზეთია“ შექმნილი.
კოოპერატივის ხელმძღვანელი შოთა გვასალია ამბობს, რომ მგლებმა მას 30-ზე მეტი თხა დაუგლიჯა.
ადგილობრივები მონადირეთა ჯგუფის გამოყოფას ან შესაბამისი ლიცენზიის გაცემას ითხოვენ, რათა შეძლონ სოფლის დაცვა მტაცებელი ცხოველებისგან.
მოსახლეობას სენაკის გამგეობისთვის წერილობით ჯერ არ მიუმართავს, თუმცა სენაკის გამგეობა უკვე დღეიდან, შეეცდება მონადირეთა ჯგუფების გამოყოფას სოფლის დასახმარებლად.
მაჩვენე მეტი