საქართველოს სახელმწიფო უსაფრთხოების სამსახურის ხელმძღვანელმა, საქართველოში აზერბაიჯანის რესპუბლიკის ახლადდანიშნულ ელჩთან, დურსუნ ჰასანოვთან გაცნობითი ხასიათის შეხვედრა გამართა.

მხარეებმა საქართველოსა და აზერბაიჯანს შორის არსებული სტრატეგიული თანამშრომლობის ძირითადი მიმართულებები და მიღწეული შედეგები მიმოიხილეს. ასევე ისაუბრეს სამომავლო გეგმებსა და თანამშრომლობის პერსპექტივებზე. საუბარი შეეხო ორი ქვეყნის წინაშე არსებულ საფრთხეებსა და გამოწვევებს.