საარჩევნო სისტემის რეფორმასთან დაკავშირებული კანონპროექტის კენჭისყრაზე დაყენებას ითხოვს „დემოკრატიული მოძრაობა“. გიორგი ახვლედიანის განცხადებით, საკონსტიტუციო პროექტი, რომელიც მაჟორიტარული სისტემის გაუქმებას და პროპორციულ სისტემაზე გადასვლას გულისხმობს, საკანონმდებლო ორგანოში 200 ათასი მოქალაქის ხელმოწერით არის შესული. ოპოზიცია მიიჩნევს, რომ უმრავლესობას პროპორციულ სისტემაზე გადასვლა არ სურს და ამიტომ, პროცესები ჭიანურდება.

იმ შემთხვევაში თუ პარლამენტი მოთხოვნას არ გაითვალისწინებს, ოპოზიცია საკონსტიტუციო სასამართლოში საკითხის გასაჩივრებას გეგმავს.