ფრაქცია „საქართველოს პატრიოტების“ წევრის ადა მარშანიას განცხადებით, პარლამენტის რეგლამენტი უნდა გადაიხედოს და მასში შესწორებები შევიდეს. როგორც „პატრიოტთა ალიანსმა“ პარლამენტში გამართულ ბრიფინგზე აღნიშნა, პრობლემებია ასევე კვოტების გადანაწილებასთან დაკავშირებით, რადგან „ნაციონალური მოძრაობა“ ორად გაიყო.

მარშანიას განცხადებით, სიტყვის მიცემის პროცედურა გაურკვეველია და დეპუტატის უფლებამოსილებას ზღუდავს. ასევე დეპუტატებს ციხეში შესვლა პარლამენტის თავმჯდომარის ნებართვის გარეშე უნდა შეეძლოთ.

მარშანიას თქმით, პარლამენტში უნდა შეიქმნას სპეციალური ჯგუფი, რათა მოხდეს რეგლამენტის გადახედვა.