რაგბიში ევროპის ჩემპიონატის პირველი ტურის შეხვედრას, საქართველოს ნაკრები 11 თებერვალს ბრიუსელში, ბელგიის ნაკრების წინააღმდეგ ჩაატარებს. ჩვენი ეროვნული გუნდის თავკაცმა, მილტონ ჰეიგმა, უახლოესი ორი მატჩისთვის გაფართუებულ შემადგენლობაში 31 მორაგბე გამოიძახა, საიდანაც უმეტესობა ქართულ კლუბებს წარმოადგენს.
„დიდი ათიდან” 16 მოთამაშე და ერთიც პირველი ლიგიდან. ბორჯღალოსნებმა, წლის პირველი შეკრება ტულუზაში გაიარეს, საიდანაც ბელგიაში გაემგზავრნენ. ბელგია-საქართველოს შეხვედრა 11 თებერვალს, თბილისის დროით 18 საათზე დაიწყება. ბელგიურ მხარესთან მიმდინარე მოლაპარაკება დასკვნით სტადიაშია და საზოგადოებრივი მაუწყებელი აღნიშნული დაპირსპირების პირდაპირ ტრანსლაციას გეგმავს.
საქართველოს ნაკრები სამშობლოში 13 თებერვალს დაბრუნდება და გერმანიასთან საშინაო მატჩისთვის დაიწყებს მზადებას, რომელიც 19 თებერვალს რუსთავში შედგება.