აშშ-ის უმაღლესი სასამართლოს მოსამართლეობის კანდიდატი ნილ გორსუჩი, სასამართლოსადმი დონალდ ტრამპის დამოკიდებულებას „ამორალურს და გასაოცარს“ უწოდებს. ეს სიტყვები გორსუჩმა დემოკრატ სენატორ რიჩარდ ბლუმენთალთან შეხვედრისას გამოიყენა.

უმაღლესი სასამართლოს მოსამართლეობის კანდიდატმა, აშშ-ის 45-ე პრეზიდენტის მიერ სოციალურ ქსელ „თვითერში’’ გამოქვეყნებული განცხადებები გააკრიტიკა.

დონალდ ტრამპმა ფედერალურ მოსამართლე ჯეიმს რობარტს, რომელმაც მიგრანტებთან დაკავშირებით აშშ-ის ახალი პრეზიდენტის გადაწყვეტილება გააუქმა, „ე.წ მოსამართლე’’ და სასამართლო სისტემის „სასაცილო’’ წარმომადგენელი უწოდა.

ნილ გორსუჩი უზენაესი სასამართლოს მოსამართლის კანდიდატად სწორედ დონალდ ტრამპმა წარადგინა. წარდგენიდან რამდენიმე დღის შემდეგ, გორსუჩმა ტრამპი პირველად გააკრიტიკა.