საკრებულოს ოპოზიცია დავით ნარმანიას წინააღმდეგ. ოპოზიციონერები დედაქალაქის მერს თაღლითურ და კორუფციულ ქმედებებში ადანაშაულებენ. „ქართული ოცნების“ უმრავლესობისგან კი იმ გადაწყვეტილების გაუქმებას ითხოვენ, რომლითაც მოსამართლე ნატა ნაზღაიძის ოჯახმა თბილისის მერიისგან კომპენსაცია მიიღო.
ოპოზიციურმა ფრაქციებმა საკუთარი პოზიცია ხელმოწერით დაადასტურეს. უმცირესობამ ასევე წარადგინა საჯარო რეესტრიდან გამოთხოვილი დოკუმენტაცია, რომლის მიხედვით, მოსამართლის ოჯახი 2013 წლიდან ვერეს ხეობაში მიწის ნაკვეთს აღარ ფლობდა.
ტერიტორიის განმკარგავი და მესაკუთრე კი ამ მასალების მიხედვით საქართველოს ბანკი იყო, რომელმაც ეს ქონება ნაზღაიძის ოჯახისგან საბანკო ვალდებულებების შეუსრულებლობის სანაცვლოდ მიიღო. ოპოზიცია ამბობს, რომ სწორედ ეს დოკუმენტები დაუმალა საკრებულოს დავით ნარმანიამ და მოსამართლის ოჯახს „რუსთავი 2-ის“ საქმეზე ტელეკომპანიის წინააღმდეგ მიღებული გადაწყვეტილებისთვის 1 მილიონამდე ლარის ღირებულების კომპენსაცია უკანონოდ გადასცა.
უმცირესობას - საკრებულოს თავმჯდომარემ უპასუხა.