9 თებერვალი, 2017
• საზოგადოებრივი მაუწყებლის სამეურვეო საბჭო საყოველთაო ყურადღების ცენტრშია.
• ახლა სწორედ მასზეა დამოკიდებული, უწერია თუ არა განხორციელება მაუწყებლის ახალი ხელმძღვანელობის გეგმას, რომლის თანახმადაც მაუწყებელი „კოლაფსის წინაშეა“ და მის გადასარჩენად თითქმის ერთი წლით უნდა „გაჩერდეს“ ყველა გადაცემა, საინფორმაციო გამოშვებების გარდა.
• რას აპირებს სამეურვეო საბჭო - ორგანო, რომელიც მაუწყებლის ბიუჯეტს ამტკიცებს?
• თუ გეგმა მოიწონა, როგორ ახსნის საკუთარ პასუხისმგებლობას მაუწყებლის კოლაფსამდე მიყვანაში? როგორ დაიხარჯა ათ წელიწადში 410 მილიონი ლარი ისე, რომ დღეს არხი მაინც სავალალო მდგომარეობაშია?
• საერთოდ, რამდენად შეიძლება „გაჩერდეს“ საზოგადოებრივი მაუწყებელი - ინსტიტუტი, რომელიც მნიშვნელოვანი საზოგადოებრივი და დემოკრატიული ღირებულებების დამკვიდრებას უნდა ემსახურებოდეს?
• რა პრინციპით იხელმძღვანელა საბჭომ ახალი გენერალური დირექტორის შერჩევის პროცესში, როცა არჩევანი შეაჩერა კანდიდატზე, რომლის პოლიტიკური დამოუკიდებლობის თაობაზე არაერთი ეჭვი თუ კითხვა არსებობდა?
• რატომ არ იცავს სამეურვეო საბჭო საზოგადოებრივი არხის თანამშრომლებს, რომლებსაც კოლექტიური დათხოვნის საფრთხე ემუქრებათ?
გადაცემა #ინტერVIEW-ში სალომე ასათიანი ამ და სხვა საკითხებზე ესაუბრება საზოგადოებრივი მაუწყებლის სამეურვეო საბჭოს თავმჯდომარეს გრიგოლ გოგელიას.