რადიკალი ისლამისტების მიერ კონტროლირებულ სირიის ქალაქ ალ-ბაბში, რუსეთის სამხედრო ავიაციის მიერ განხორციელებულ ავიაიერიშს, თურქეთის არმიის სამი სამხედრო მოსამსახურე ემსხვერპლა, 11-მა კი სხეულის დაზიანება მიიღო.
რუსეთის პრეზიდენტის პრესსამსახურის უფროსმა, დიმიტრი პესკოვმა განაცხადა, რომ ვლადიმერ პუტინი უკვე ესაუბრა თურქეთის პრეზიდენტ, რეჯეფ ტაიპ ერდოღანს და შემთხვევითი ავიაიერიშის გამო მწუხარება გამოთქვა.
სამხედროების დაღუპვას ადასტურებს თურქეთის გენერალური შტაბიც. თურქეთის არმიამ სირიაში კიდევ ერთი დანაკარგი საერთაშორისო ტერორისტული ორგანიზაცია ე.წ. ისლამურ სახელმწიფოსთან შეტაკებების დროს განიცადა. სწორედ ელ-ბაბში დაპირისპირებას ხუთი თურქი სამხედრო მოსამსახურე ემსხვერპლა.
რუსეთი და თურქეთი ისლამისტების წინააღმდეგ ოპერაციას ერთდროულად ატარებენ.