საქართველოს ძიუდოისტთა ნაკრები წლის პირველ პრესტიჟულ ტურნირზე საბრძოლო შემადგენლონბით გამოვა. ხვალ და ზეგ პარიზის გრანდ სლემის შეჯიბრი ჩატარდება.

ჩვენი ნაკრების თავკაცმა ირაკლი ცირეკიძემ საფრანგეთში 13 ძიუდოისტი წაიყვანა. შაბათს მედლების სამი კომპლექტი გათამაშდება ვაჟთა შორის. 60 კილოგრამ წონით კატეგორიაში ამირან პაპინაშვილი და ლუხუმ ჩხვიმიანი იასპარეზებენ.

66-ში ვაჟა მარგველაშვილი დაიცავს ჩვენი ნაკრების ღირსებას. ხოლო 73 კილოგრამში - ლაშა შავდათუაშვილი და ფრიდონ გიგანი გავლენ ტატამზე.

კვირას დარჩენილ ოთხ წონაში გამოვლინდებიან ჩემპიონ-პრიზიორები. საქართველოს ნაკრების რამდენიმე ლიდერმ, წონა შეიცვალა, მათ შორის ვარლამ ლიპარტელიანმა, ბექა ღვინიაშვილმა და ავთანდილ ჭრიკიშვილმა, რომლებიც პარიზის გრანსლემზე, მედლებისთვის, ზეგ იბრძოლებენ