ქართული წარმოების უნაკერო მილები ევროკავშირის ბაზარზე გავიდა. რუსთავის მეტალურგიულმა ქარხანამ, პირველად თავისი არსებობის ისტორიაში, ევროკავშირის საერთაშორისო ბაზარზე უნაკერო მილები საკუთარი ბრენდით გაიტანა.

ქვეყნები, სადაც უნაკერო მილები ექსპორტზე გავა, არის: იტალია, გერმანია, პოლონეთი, ბულგარეთი და უნგრეთი.

პირველი შეკვეთის მოცულობა 2000 ტონას შეადგენს. ამ ეტაპზე უნაკერო მილების ექსპორტი ხორციელდება აზერბაიჯანის, ყაზახეთის და უკვე ევროკავშირის ბაზრებზე. 2017 წელს დაგეგმილია 25 ათასი ტონის რეალიზება და ასევე საკუთარი ბრენდით, უნაკერო მილების ექსპორტი ამერიკისა და რუსეთის ბაზრებზე.