დაპირისპირება მოხდა ხელვაჩაურში აქციის მონაწილეებსა და სამართალდამცავებს შორის - ხიხანის ქუჩის მცხოვრებლები ბათუმი- ახალციხის მიმართულებით მაღალი ძაბვის ელექტროგადამცემი სისტემის სამონტაჟო სამუშაოებს ამ დრომდე აპროტესტებენ.

„საქართველოს სახელმწიფო ენერგოსისტემა“ ამ ტერიტორიაზე მაღალი ძაბვის ელექტროგადამცემ ხაზებს ამონტაჟებს. მოსახლეობის განცხადებით, ხელისუფლება მათ საკუთრებაშია შეჭრილი.

დაბა ხელვაჩაურის მცხოვრებლებმა, სამუშაოების შეჩერების მიზნით, გზის გადაკეტვა სცადეს. თუმცა მათ ამის საშუალება პოლიციამ არ მისცა.

ისინი გაჩერებას არ აპირებენ და, რეალური კომპენსაციის მოთხოვნის მიზნით, კვლავ აქციებით იმუქრებიან.