ჩრდილოეთ კორეამ ბალისტიკური რაკეტა გამოსცადა. ქვეყნის შეიარაღებული ძალების ცნობით, რაკეტა იაპონიის ზღვისკენ იყო მიმართული.

სამხრეთ კორეაში ჩრდილოეთის ეს ქმედება ქვეყნის მიმართ ტრამპის პოლიტიკის გამოცდად შეაფასეს.

აშშ-ის სტრატეგიული მეთაურობის ცნობით კი, რაკეტა საშუალო მოქმედების იყო და ჩრდილოეთ ამერიკისთვის საფრთხეს არ წარმოადგენდა.

კონტინენტთაშორისი ბალისტიკური რაკეტის გამოცდის სურვილის შესახებ ჩრდილოეთ კორეის ლიდერმა კიმ ჩენ ინმა საახალწლო მილოცვისას განაცხადა. თუმცა, ამჟამად გაშვებული რაკეტის მონაცემების შესახებ ქვეყნის ოფიციალურ პირებს ინფორმაცია არ გაუვრცელებიათ.

ჩრდილოეთ კორეას მსგავსი ქმედებები გაერო-ს უშიშროების საბჭოს რეზოლუციით აქვს აკრძალული.

წყარო: Euronews, NYTimes

ფოტო: Lee Jin-man/AP Photo