საქართველოსა და აზერბაიჯანის სასამართლო სისტემაში არსებულ ვითარებაზე ისაუბრეს თეა წულუკიანმა და აზერბაიჯანის უზენაესი სასამართლოს თავმჯდომარემ. იუსტიციის მინისტრმა მოსამართლეთა კვალიფიკაციის ამაღლების აუცილებლობას გაუსვა ხაზი.

ბაქოში სამუშაო ვიზიტის ფარგლებში თეა წულუკიანი ღია მმართველობის, მთავრობისა და მესამე სექტორის პლატფორმის წარმომადგენლებსაც შეხვდა. იუსტიციის მინისტრი ბაქოს აზერბაიჯანელი კოლეგის მიწვევით, ღია მმართველობის პარტნიორობის თანათავმჯდომარე ქვეყნის რანგში ეწვია.

ვიზიტის მიზანია, დაეხმაროს მეზობელ სახელმწიფოს დაიბრუნოს პარტნიორობის სრულუფლებიანი წევრის სტატუსი.