13 თებერვალი რადიოს მსოფლიო დღეა. უკვე ექვსი წელია, იუნესკოს მიერ დაწესებული ეს საერთაშორისო დღე მთელ დედამიწაზე აღინიშნება.
44 ათასი რადიოსადგური და თითქმის 7,5 მილიარდი მსმენელი. მიუხედავად ინტერნეტის აქტიური მოხმარებისა, რადიო დღესაც პოპულარობას მსმენელებში არ კარგავს.
საქართველოს საზოგადოებრივი რადიოს ორივე არხი ამ აქციაში უკვე მეორე წელია მონაწილეობს.
წელს სლოგანია „რადიო ხარ შენ”. მსოფლიო დღე ხვალ აღინიშნება, მაგრამ რადგან მაუწყებლობა საქართველოში სწორედ რადიოთი დაიწყო და ეს იყო ევროპაში ერთ-ერთი პირველი რადიო, ჩვენ შევეცადეთ შეგვეხსენებინა თქვენთვის, როგორ იქმნებოდა პირველი მაუწყებლობა საქართველოში, როგორ ეძებდნენ ალტერნატიულ არხებს ახალგაზრდები და FM დიაპაზონზე მაუწყებელი რადიოარხების გარდა, რამდენად შემორჩნენ რეალობას დღეს რადიოხულიგნები ანუ რადიომოყვარულები.