აშშ-ის პრეზიდენტის მუშაობის მოწონების რეიტინგი 45%-დან 40%-მდე დაეცა. აღნიშნულის შესახებ, ამერიკული კვლევითი ორგანიზაცია „გალაპის’’ მიერ ჩატარებულ გამოკითხვაშია ნათქვამი.

აღსანიშნავია, რომ დონალდ ტრამპის მუშაობა ამერიკელების 55%-ს არ მოსწონს. შედარებისთვის, ბარაქ ობამას მუშაობის მოწონების და არმოწონების მაჩვენებელი რვა წლის განმავლობაში 40-დან 60%-მდე მერყეობდა.

2009 წელს ბარაქ ობამას მმართველობის პირველ დღეს მისი მუშაობა პოზიტიურად ამერიკელების 69%-მა შეაფასა, უარყოფითად კი მხოლოდ 12%-მა. პრეზიდენტის პოსტის დატოვებამდე ობამას მუშაობით კმაყოფილი ამერიკელების 55% იყო.