გარდაცვლილი შოთიკო ცირგაიას დედამ ზუგდიდის რეფერალურ ჰოსპიტალთან შიმშილობის აქცია დაიწყო.
ირინა წურწუმია მისი შვილის გარდაცვალების მიზეზების გამოძიებას ითხოვს. ოჯახის წევრები და ნათესავები ეჭვობენ, რომ გარდაცვალების მიზეზი ექიმების მხრიდან დაუდევრობა გახდა.
საქმეზე მოკვლევა უკვე დაიწყო სამედიცინო საქმიანობის სახელმწიფო რეგულირების სააგენტომ. გარდაცვლილის დედა ასევე დაკითხა პროკურატურამ.
19 წლის შოთიკო ცირგაია ზუგდიდის რეფერალურ ჰოსპიტალში გასული წლის ნოემბერში გართულებული პნევმონიის დიაგნოზით მიიყვანეს და მას მკურნალობა ჩაუტარდა. საავადმყოფოში განმეორებით მოხვედრის შემდეგ კი რეანიმაციაში გადაყვანასა და სამკურნალო პროცედურებზე უარი განაცხადა, რის გამოც მისი თბილისში გადაყვანა გახდა საჭირო. შოთიკო ცირგაია გზაში გარდაიცვალა.