პირველი თებერვლიდან დღემდე ლარი 8 თეთრით გამყარდა. ოფიციალური კურსით ერთი დოლარი 2 ლარი და 62 თეთრი ღირს. ქართული ლარის მსგავსად, დოლარის მიმართ მყარდება მეზობელი ქვეყნების ვალუტები - თურქული ლირა და რუსული რუბლი, ამასთან სტაბილურობას ინარჩუნებს აზერბაიჯანული მანათიც.
ეკონომისტები ეროვნული ვალუტის გამყარების რამდენიმე მიზეზს ასახელებენ. ერთია - მოსახლეობაში ვალუტის მიმართ ნეგატიური მოლოდინის შემცირება. რეფინანსირების სესხების მოცულობის თითქმის 150 მილიონი ლარით კლება, ასევე საბიუჯეტო ხარჯების შეკვეცა.
გარდა ამისა, აქციზის გაზრდის მოლოდინში, კომპანიებმა იმპორტირებული პროდუქტის მარაგი დეკემბერშივე შეიქმნეს, რამაც იანვარში დოლარზე მოთხოვნა შეამცირა.
რაც შეეხება სამომავლო პროგნოზებს, ეკონომისტები მარტიდან ეროვნული ვალუტის კიდევ უფრო მეტად დასტაბილურებას პროგნოზირებენ.