„ნაციონალური მოძრაობა“ საზოგადოების შეცდომაში შესაყვანად მუდმივ რეჟიმში მანიპულირებს გარკვეული თემებით, - ასე ეხმაურება თბილისის მერია დღეს გამართულ აქციას. მათივე შეფასებით, აქციის თემასთან დაკავშირებით არსებულ კითხვებს პასუხი არაერთხელ გაეცა. „დღეს დილიდან, თბილისის მერიის ადმინისტრაციულ შენობასთან „ნაციონალური მოძრაობის“ აქტივისტების მცირე ჯგუფი შეიკრიბა. პარტიის წევრები და მათი სატელიტი არასამთავრობო ორგანიზაციების წარმომადგენლები მიზანმიმართულად ცდილობდენ სიტუაციის დაძაბვას და შენობაში შეჭრას. კითხვებს არაერთხელ გაეცა პასუხი ღიად და თემასთან დაკავშირებით ყველა მედიასაშუალებას მიეწოდა შესაბამისი ინფორმაცია. თბილისის მერია არ გაცდენია კანონიერების ფარგლებს და იმ შემთხვევაში, თუ არსებობს დამატებითი კითხვები კონკრეტული პირების მხრიდან, მათ შეუძლიათ მიმართონ სასამართლოს“, - ნათქვამი განცხადებაში.