და ახლა რამდენიმე ცნობა უმძიმეს დანაშაულში ბრალდებული მამა გიორგი მამალაძის შესახებ: დეკანოზი საპატრიარქოს ქონების მართვის სამსახურის ხელმძღვანელის მოადგილეა, პარალელურად არის წმინდა იოაკიმეს და ანას სახელობის სამედიცინო ცენტრის დირექტორი. თბილისში გადმოსვლამდე წლების განმავლობაში მოღვაწეობდა აჭარაში, მსახურობდა წმინდა ბარბარეს სახელობის ეკლესიაში. ფოტოებით ირკვევა, რომ მამა გიორგი ხშირად ახლდა თან კათოლიკოს-პატრიარქს, მათ შორის ქვეყნის ფარგლებს გარეთ გამართულ მნიშვნელოვან ღონისძიებებში მონაწილეობის დროს. ილია მეორესთან მის ახლო ურთიერთობაზე სასულიერო პირებიც საუბრობენ.