გივი თარგამაძის მანქანის აფეთქების საქმის ერთ-ერთი ფიგურანტი თავისუფალია. სასამართლოს გადაწყვეტილება და პატიმრობის პირობითი სასჯელით შეცვლა თარგამაძის თანაგუნდელების მწვავე პროტესტის მიზეზი ხდება.

ოპოზიციისთვის გაუგებარია, რის საფუძველზე დაატოვებინეს საპატიმრო დაწესებულება ბორის ჩაგუნავას, რომელიც ასაფეთქებელი ნივთიერების, ცეცხლსასროლი იარაღის და საბრძოლო მასალის შეძენა-შენახვაში იყო ბრალდებული.

როგორც ირკვევა, ჩაგუნავას გათავისუფლებას პროკურატურაც ასაჩივრებს. ჯერ უცნობია, რა პოზიცია აქვს თავად დაზარალებულს, რომელმაც თავის დროზე ჩაგუნავას ბრალეულობა გამორიცხა.