თბილისის ოლიმპიური სასახლე ბერძნულ-რომაული სტილით ჭიდაობაში საქართველოს ჩემპიონატს მასპინძლობს.
შეჯიბრში ქვეყნის სხვადასხვა რეგიონის მოჭიდავეები ასპარეზობენ. დღეს მედლების კომპლექტები ოთხ წონით კატეგორიაში თამაშდება. დარჩენილ ოთხ წონაში კი, ჩემპიონ-პრიზიორები ხვალ გამოვლინდებიან.
59 კილოგრამ წონით კატეგორიაში აჭარის წარმომადგენელმა ლერი აბულაძემ ფინალში ოზურგეთელ დავით ჩხარტიშვილს მოუგო. 71 კილოგრამში ადიგენელმა გოგა აფრიამაშვილმა ფინალში გარდაბნელ გიორგი ფოცხვერაშვილს აჯობა. 80 კილოგრამში კი თბილისელმა ზურაბ დათუნაშვილმა აჭარის წარმომადგენელი ლაშა გობაძე დაამარცხა.
საქართველოს ჩემპიონატში გამარჯვებული მოჭიდავეებით დაკომპლექტდება ეროვნული ნაკრები, რომელიც, 2-დან 7 მაისის ჩათვლით, ბელგრადში გასამართ ევროპის ჩემპიონატზე მიიღებს მონაწილეობას