პაკისტანის ქალაქ ლაჰორში ტერაქტის დროს დაღუპული პოლიციის თანამშრომლები დაკრძალეს. სამგლოვიარო ცერემონიას პაკისტანის ხელისუფლების წარმომადგენლებიც ესწრებოდნენ.

ტერაქტის შედეგად 13 ადამიანი დაიღუპა. აფეთქება ფარმაცევტების მიერ გამართული საპროტესტო აქციის დროს მოხდა.

თავდასხმის შემდეგ სხეულის დაზიანება 83-მა ადამიანმა მიიღო. თავდასხმა თვითმკვლელმა ტერორისტმა განახორციელა, როდესაც აქციის მონაწილეებსა და პოლიციელებს შორის მოლაპარაკებები მიმდინარეობდა. თავდასხმაზე პასუხისმგებლობა თალიბანმა აიღო.