სასულიერო პირების ურთიერთბრალდებების ფონზე აქტუალური ხდება საპატრიარქოს დაფინანსების საკითხი. ,,რესპუბლიკელები” ხელისუფლებას საპატრიარქოსთვის ფინანსების გამოყოფის წესის გადახედვას სთხოვენ.
პარტიის ლიდერების აზრით, გასაკონტროლებელია თანხების ხარჯვის მიზნობრიობა და მართლმადიდებელი ეკლესიისთვის ქონების გადაცემის პროცესი.
წინადადებას ეთანხმებიან და მთავრობას კიდევ ერთი ინიციატივით მიმართავენ არასამთავრობო სექტორიდან.
ამ დროისთვის საპატრიარქოს წლიური ბიუჯეტი 25 მილიონ ლარს შეადგენს. დაფინანსების არსებულ სქემაში რაიმე ცვლილების შეტანის აუცილებლობას ვერ ხედავს მმართველი გუნდი, რომელიც 2002 წელს სახელმწიფოსა და ეკლესიას შორის გაფორმებულ კონკორდატს ახსენებს და მართლმადიდებელი ეკლესიის განსაკუთრებულ როლზე მიუთითებს.