მღვდელმთავრების ბრძოლა საპატრიარქო ტახტისთვის ახალ ფაზაში გადავიდა. ასაკოვანი პატრიარქის ჯანმრთელობის ყოველი დამძიმება, მცხეთა-თბილისის კათედრის დაპატრონების მსურველებში ახალ მადას აღვიძებს. 141-ე პირველიერარქის მემკვიდრის შერჩევაში, როგორც სჩანს, განზე არც სახელმწიფო გადგება. გავლენიანი საპატრიარქო კანდიდატის, დიმიტრი შიოლაშვილის, დაზიანების მცდელობა აჩვენებს, რომ ხელისუფლება ძოწისფერი მანტიის შემოსვაში მისდამი ლოიალურ კანდიდატს დაეხმარება და ამ მიზნის მისაღწევად საპატრიარქოს ოფიციოზის ნაწილსაც გამოიყენებს. ქვეყანაში სეკულარიზმი კვლავ საფრთხეშია - ეკლესიის დომინირება სახელმწიფოზე, შესაძლოა სახელმწიფოს ეკლესიაზე დომინირების რუსული მოდელით ჩანაცვლდეს. თეოლოგ ბექა მინდიაშვილთან ერთად, ჩვენ ვცდილობთ კლანურ დაპირისპირებას, თავი და ბოლო გავუგოთ